Nafarroako ehiza arautzen dute Nafarroako Ehizari eta Arrantzari buruzko 17/2005 Foru Legeak (12/2011 Foru Legeak, 23/2013 Foru Legeak eta 4/2014 Foru Legeak aldatua) eta 48/2007 Foru Dekretuak, Nafarroako ehiza garatzeko eta gauzatzeko erregelamendua garatzen duenak (7/2012 Foru Dekretuak aldatua). 

Lege honen helburua da Nafarroako ehiza-baliabideen aprobetxamendua babestea, kontserbatzea, sustatzea eta antolatzea, jasangarritasun-irizpideekin bat etorriz, eta ehizaren gozamen soziala bilatuz.

Arau esparru horrek ezartzen du antolamendurako tresna hauen bidez kudeatuko dela ehiza:

• Ehiza debekualdiei buruzko foru agindua  
  Gainera, denboraldi bakoitzean debekualdiei buruzko foru agindu bat ematen da. Bertan, debekualdiei buruzko xedapen orokorrak onartzen dira, aprobetxa daitezkeen espezieei dagokienez. Foru Agindu horretan berariaz aipatzen dira eremuak, garaiak, egunak eta aldi baliodunak, espezie eta modalitateen arabera, eta denboraldirako muga orokorrak.
  • 186E/2023 Foru Agindua, zeinaren bidez onesten baita 2023-2024 denboraldirako ehiza debekualdiei buruzko xedapen orokorra.
  • 331E/2023 Foru Agindua, 186E/2023 Foru Aginduaren 29.5 artikulua indargabetzen duena, ehiztari adingabeei buruzkoa.
  • 2023ko ehiza-liburuxka 
  • 2023-2024ko ehiza-arauen aurrerapena – eperra ehizatzeko egunak:
    • Eperra ehizatzeko barrutien eta egunen zerrenda, 2023-2024ko ehiza debekualdiei buruzko Foru Aginduaren 11. artikuluaren arabera sailkatuak
    • Eperra ehizatzeko barrutien eta egunen zerrenda, 2023-2024ko ehiza debekualdiei buruzko Foru Aginduaren 11. artikuluaren arabera
       
• Ehiza antolatzeko planak
  Ehiza antolatzeko planek irizpideak eta baldintzak ezartzen dituzte barruti bakoitzaren ehiza-aprobetxamendurako, denboraldi baterako. Ehiza-barruti bakoitzean zer espezie, zenbat, non eta nola ehiza daitezkeen adierazten dute.
   
• Urteko Kudeaketa Plana 
  Ehiza-barrutien kudeatzaileek urteko kudeaketa-plana aurkeztu behar dute urtero, populazioen urteko egoera ezagutzeko (ehiza xehea) eta denboraldi bakoitzerako aurreikusitako ehiza-aprobetxamendua zehazteko (proposatutako jardunaldien eta kupoen kopurua).