Meatzaritzan, leherketa proiektuak ustiapen proiektuetan daude oinarrituta, harkaitzak, mineralak edo esterilak zulatuz eta lehertuz erauztea jasotzen dutenean.
Meategietako Segurtasunerako Oinarrizko Arauen Erregelamendu Orokorraren IV., V., IX. eta X. kapituluei buruzko jarraibide tekniko osagarri jakin batzuk onesten dituen 1986ko martxoaren 20ko Aginduak onetsitako 10.3-01 Jarraibide Tekniko Osagarriak (R, Leherketa bereziak) 3.3 atalean honako hau dio: "... proiektu tipoak onar daitezke, leherketa bereziak errepikatzen badira, edo errepikatu behar badira eta, guztietan, lehen leherketan zehaztutako parametro teknikoak eta neurriak beteko dira".Jarraibide tekniko osagarri horrek, indarraldia alde batera utzita, leherketa tipoen proiektuak berrikusteko epe zehatzik ezartzen ez badu ere, leherketetan aurreikusitako parametro teknikoak eta neurriak betetzen jarraitu bitartean, bidezkoa ematen du meatzaritza ustiapenaren enpresa titularrek, bost urtean behin behintzat, leherketa tipoei buruz onartuta dagoen proiektuaren egungo balioaren berrikuspen sakon, zehatz eta arrazoitua egitea.
Datu pertsonalen babesari buruzko informazioa.
Prozeduraren urratsak:
Berrikuspenaren ondorioa bada aldaketa garrantzitsuak izan direla leherketa mota guztietan edo batzuetan, beste proiektu bat tramitatu beharko litzateke egungo egoerara egokituta. Baina ondorioztatzen bada leherketa tipo guztiak oraindik ere baliagarriak direla indarreko proiektuan jasotako ezaugarri eta parametroekin, proiektu beraren arabera lan egiten jarraitzen ahalko da.